انا انهارده اتبهدلت خالص
قولت اعمل نفسى صحفية واحافظ على المجال اللى انا هتخرج منه واشتغل فيه اجرب
صاحبتى قالتلى هكلملك الاستاذ اللى بتشتغل معه فى صوت الامة
وكلمته وقالها هاتيها معاكى وبالفعل روحت معها امبارح
طبعا الرجل شافنى مش عارفة حاجة عن صوت الامة ما انا عمرى ما مسكتها
قاللى اقراى صوت الامة وتعالى تانى يوم الاحد وبعدين قاعدنا نقرا الجرائد وفى الاخر طلعنا موضوع نعمله وقال لصاحبتى انزلى اعمليه وقالى انزلى معها و روحنا
ليبدا يومنا انهارده من الساعة 11 من من عند باب محطة مترو السيدة زينب (واحلى حاجة ان انا راح ماما وبابا وصلونى )واخذت صاحبتى وروحنا شركة الكهرباء فى السيدة زينب وطبعا ما عرفناش حتى ندخل من على الباب ووقفنا نتكلم مع الامن وما عرفناش نخرج منه بحاجة غير ان المشكلة كلها راحت الشئون القانونية فى 53 ش 26 يوليو وواحد قال انها راحت قسم السيدة زينب
قولنا نروح قسم السيدة زينب وهناك ماعرفناش نوصل لاى حاجة اعدنا نزلين طالعين طالعين نزلين بندور على دفتر المحاضر وفى الاخر قالنا هاتوا اسم صاحب المشكلة وبعد كدة خرجنا
قولنا نروح الشئون القانونية وروحنا هناك بس المرة ديه عرفنا حاجة اسماء الموظفين اصحاب المشكلة فقط وبعد كدة روحنا بيتنا
انا اتبهدلت خالص و قررت اقدم استقالتى وما انزل تانى وما حدش يقولى انزلى جربى ده معرفش الشغل ايه وكدة مش هنزل غير لو هنزل فى القسم الخارجى
10 comments:
وك على انك جربتى اولا
الف مبروووووك على انك جربتى وانك تبدئى ومش مشكلة انك تخسرى اول جولة او تتعبى شوية بس بعد كدة ربنا يكرمك ان شاء الله
وعلى فكرة مجال الخارجى جاااااااااااامد جداااااااا
بس محتاج معلومات عاملة
بس ربنا يكرمك
شيدى حيلك ربنا معاكى
والسلام.........
heheheheheh :Dmsh 3arfa a2olek eh :D howa kol 7aga ya bnty mot3ba,,
el seef el fat kont banzl tadreeb fe mawke3 bona :D w a2of m3 el 3omal w ashrab shay m3hom :D w sa3at az32lohom :D w asln law wa7ed fehom nafakh feya hateer:D
w kan fe youm kman .. tsd2y mh hynf3 fe comment :D estny mny el post el mateeen :D lo0ol
مرحبا بك فى مهنه البحث عن المتعب
اصلهم فاكرين الصحفى ده باشا قاعد على مكتب وعنده سكرتيره بتبرى له القلم الرصاص
ووحده تانيه بتعمله نسكافيه وهو عمال يبدع
مش عارفين المرار الى بنشوفه مع كل خبر اد كدهو
تحياتى
ندعوكم لزيارة مدونة خليك فى البيت والمشاركة فى الحملة
ندعوكم لزيارة مدونة خليك فى البيت والمشاركة فى الحملة
كل عام وانت بخير
رمضان كريم
تحياتى
السلام عليكم
على فكرهع ربنا يعيينك ما اقدرش اقولك غير كده
الحكايه دي عايزة مجهود .. بالاضافة للجرأة
ربنا معاكي بجد
و كل سنه و انتي طيبه
تحياتي ليكي
.
زيزي
كل سنة وانتى طيبة بمناسبة عيد الاضحى المبارك
عيد سعيد
والسلام...........
اولا عيد سعيد
وثانيا الف مبروك على الاستقاله
وربنا يوفقك فى العمل الحر
ملك المصرية
Post a Comment